सिटिजन्स सेयर ब्रोकर लिमिटेडले आर्थिक वर्ष २०८१/८२ को नाफाबाट १५.७९ प्रतिशत नगद लाभांश वितरण गर्ने प्रस्ताव गरेको छ। साउन २० गते बसेको सञ्चालक समितिको बैठकले करसहित कुल ३ करोड १५ लाख ७८ हजार ९४७ रुपैयाँ बराबरको लाभांश वितरण गर्ने निर्णय गरेको हो।
उक्त प्रस्ताव पारित गर्न कम्पनीले आगामी भदौ १३ गते बिहान ८ बजे तेस्रो वार्षिक साधारण सभा बोलाएको छ। सभा ललितपुरस्थित कुपण्डोलमा रहेको कम्पनीको प्रधान कार्यालयमा आयोजना हुनेछ।
साधारण सभाले लाभांश प्रस्तावसँगै २०८१/८२ को वार्षिक प्रतिवेदन र लेखापरीक्षकको प्रतिवेदन पारित गर्नेछ। साथै, आर्थिक वर्ष २०८२/८३ का लागि नयाँ लेखापरीक्षकको नियुक्ति तथा पारिश्रमिक निर्धारण गर्ने एजेन्डा पनि सभामा पेश गरिनेछ।